Л.Оюун-Эрдэнэ: МАНАН дэглэм эргэн сэргэж, эрчээ авчээ

МАНАН амилах цагаар. Үндэсний Баялгийг тонон дээрэмдсэн МАНАН дэглэм нэгхэн жил дотор эргэн сэргэж, эрчээ авчээ. Тэмцэх бүү хэл дуугардаг ч хүн байхгүй болж. Болж ч гэж өмнө нь ч угаасаа ийм л байсан

2019 оны аравдугаар сараас хойш эх орондоо ирээгүй байсан Ерөнхийлөгч асан Ц.Элбэгдорж эх орондоо өнгөрөгч амралтын өдрүүдээр ирсэн. Тэгвэл үүнтэй зэрэгцэн Ерөнхий сайд асан Ч.Сайханбилэгийг ирэх гэж байгаа талаарх мэдээлэл ч гарав. Энэ үйл явцтай холбоотойгоор Хотын дарга асан Х.Нямбаатар "Мань хөөгдөж, МАНАН УРИГДАЖ, ШАГНАГДДАГ ӨДӨР хардаг би ч мөн азгүй юм даа" хэмээн мэдэгдээд амжсан юм. Үүний араас Ерөнхий сайд асан Л.Оюун-Эрдэнэ ч байр сууриа илэрхийлэв.

Тэрбээр "МАНАН амилах цагаар. Үндэсний Баялгийг тонон дээрэмдсэн МАНАН дэглэм нэгхэн жил дотор эргэн сэргэж, эрчээ авчээ. Тэмцэх бүү хэл дуугардаг ч хүн байхгүй болж. Болж ч гэж өмнө нь ч угаасаа ийм л байсан" гэв.