Хөлбөмбөгийн ДАШТ-ний шүүгчээр шалгарсан Сомалийн иргэн Омар Абдулкадир Артаныг АНУ-д нэвтрүүлэхээс татгалзсан шийдвэрийн талаар дэлхий даяар шуугиж байна.
Энэ сарын 6-нд тэрээр Дэлхийн аварга шалгаруулах тэмцээний өмнө шүүгчдийн заавал очих ёстой семинарт оролцохоор Туркийн Истанбул хотоос Майами руу ниссэн юм. Тэрээр АНУ-д 3 сарын хугацаатай олон удаагийн нэвтрэх виз авч, Найроби дахь Сомалийн Элчин сайдын яамнаас хөнгөлөлттэй дипломат паспорт авсан байжээ. Гэвч Майамигийн олон улсын нисэх онгоцны буудалд ирэхэд АНУ-ын Гааль, Хилийн Хамгаалалтынхан түүнийг нэвтрэхийг хориглож, Станбул руу шууд буцаан нисгэжээ. Энэхүү мэдээлэл хэвлэлээр гарсны дараа дэлхий дахинд фанатууд Трампын засаг захиргааны хэрэгжүүлсэн цагаачлалын эсрэг бодлогуудыг буруутгаж эхэлсэн юм.
Тэгвэл энэхүү мэдээлэлд АНУ-ын Цагаан ордон мэдэгдэл хийлээ. Цагаан ордон: “Хилийн болон гаалийн албаны (CBP) нэмэлт шалгалтын үеэр тухайн этгээдийг террорист байгууллагын сэжигтэй гишүүдтэй холбоотой байж болзошгүй гэх зэрэг сөрөг мэдээлэл илэрсэн. Үүний улмаас АНУ-ын Цагаачлал, Иргэний харьяатын тухай хуулийн дагуу тус иргэн АНУ-д нэвтрэх эрхгүй болсон. Ерөнхийлөгч Трампын засаг захиргаа манай улсын аюулгүй байдалд заналхийлж болзошгүй хэнийг ч АНУ-ын нутаг дэвсгэрт нэвтрүүлэхгүй. Энэ бол эцсийн байр суурь юм” гэжээ.
Эх сурвалж: The Athletic
Сэтгэгдэл (0)
Сэтгэгдэл бичигдээгүй байна