Н.Баярмөнх Баянзүрхийг удирдах уу?

Нийслэлийн хамгийн олон хүн амтай Баянзүрх дүүрэг удирдлагагүй болоод 7 хонож байна. Баянзүрх дүүргийн хуучин Засаг дарга Г.Жаргалсайхан нь нийслэлийн Засаг даргын I орлогчийн албан тушаалд томилогдсон. Уг нь Г.Жаргалсайхан Баянзүрх дүүрэгт 6 жил удирдах бүрэлдэхүүнийг ахалсан ч онцгойрох хөгжил, дэвшилгүй, дүүргийн иргэдийн амьжиргааны түвшин уруудсан хэвээр байгаа нь анхаарал татаж байгаа юм. Тиймээс одоо ирэх Засаг дарга өмнөх Засгаас илүү, үр дүнтэй, ил тод, зоригтой ажиллах нэгэн хэрэгтэй гэдгийг олон нийт хүсч байна. 

Тэгвэл шинээр ирэх хүмүүсийн нэрс яригдаж байгаа бөгөөд тэдний дунд өмнөх Засаг дарга асан Н.Баярмөнх багтаж байгаа сурагтай. Н.Баярмөнх Засаг даргаар ажиллаж байх хугацаандаа газрын асуудлыг цэгцэлж, иргэдийн амьдрах орчныг сайжруулах сургууль, цэцэрлэг барих, хот тохижилтын ажлууддаа гар бие оролцдог байлаа. Хоёрхон жилийн дотор өчнөөн жил сүр бараагүй явсан Баянзүрх дүүргийн төсвийн орлого ч тэр, харагдах орчин ч тэр, засаглал талаасаа нэлээдгүй дэвшилтэй байсан тухай ам сайтай иргэд олон байгаа аж. 

Н.Баярмөнх нийслэлийн МАН-ын дэд дарга, тэргүүлэгчээр сонгогдоод буй юм.