Монгол Улсын Засгийн газар 2012 онд “Эрдэнэс Тавантолгой” ХК-ийн нийт хувьцааны 20 хувь болох гурван тэрбум ширхэг хувьцааг 2012 оны сарын дөрөвдүгээр сарын 11-ээс өмнө төрсөн, иргэний шинэчилсэн бүртгэлд хамрагдсан иргэн бүрд үнэ төлбөргүй эзэмшүүлэхээр болсон.
“Эрдэнэс Тавантолгой” ХК 2025 онд 1.1 их наяд төгрөгийн цэвэр ашигтай ажиллаж, үүнээс нэгж хувьцаанд 65.55 төгрөгөөр тооцон нийт 786.6 тэрбум төгрөгийг ногдол ашигт хуваарилахаар болсон байна. Үүнээс Монгол Улсын 3.5 сая хувьцаа эзэмшигчдэд нийт 208.5 тэрбум төгрөгийн ногдол ашиг ногдохоор тооцжээ. Ингэснээр 1072 ширхэг хувьцаатай нэг иргэн татварын дараах байдлаар 63,242 төгрөгийн ногдол ашиг авах юм. Ногдол ашгийн олголтыг 2026 оны дөрөвдүгээр сарын 30-ны дотор зохион байгуулахаар төлөвлөжээ.
Мөн НӨАТ-ын 2026 оны нэгдүгээр улирлын буцаалтыг энэ долоо хоногт иргэдийн дансанд шилжүүлнэ. Татварын ерөнхий газраас И-баримт апп-аар дамжуулан буцаан олголтын дүнгээсээ газрын болон бусад татвараа төлөх сонголтыг иргэдэд олгодог бөгөөд уг санал асуулгыг өнгөрсөн долоо хоногт явуулсан юм. Татвар төлсний дараах буцаан олголтыг дөрөвдүгээр сардаа багтааж буюу энэ долоо хоногт мөн иргэдийн дансанд шилжүүлнэ.
Сэтгэгдэл (0)
Сэтгэгдэл бичигдээгүй байна