Н.Учрал: Миний хурдыг гүйцэх хүнийг сайдаар ажиллахыг урина

УИХ-ын чуулганы өнөөдрийн /2026.03.30/ нэгдсэн хуралдаанаар Н.Учралыг Ерөнхий сайдаар томилох асуудлыг хэлэлцэж байна. 

УИХ-ын гишүүн А.Ариунзаяа, Жендерийн тухай хууль 2011 онд батлагдсан. Энэ хуульд улс төрийн албан тушаал  Засгийн газрын гишүүдийн 15 хувь нь эмэгтэй гишүүд байна гэж тусгасан. 15 хувь гэдэг одоо байгаа 22 сайдын гурав нь эмэгтэй байна гэсэн үг. Одоогийн Засгийн газрын гишүүд дотроо нэг эмэгтэй гишүүнийг томилоход л хуулийн шаардлага  биелэх юм. Би сайд болох гэсэндээ үүнийг хэлж байгаа юм биш. Хууль тогтоогчид хуулиа өөрсдөө мөрддөг байгаасай, мөрдөхгүй бол хууль батлаад яах вэ гэдгийг хэлэх гэсэн юм.

Н.Учрал, Хариуцлагатай цаг үе тулгарч байгаа учир ажилдаа хурдан шуурхай орох хэрэгтэй. Миний хувьд ажил гардаж авсан бол хурдтай ажиллаж, ард нь гарахын төлөө байдаг. Тиймээс энэ удаа ч гэсэн хурдтай, шуурхай ажиллана. Энэ шуурхай, хурдтай байдалд дасан зохицож ажиллаж чадах сайд нарыг танхимдаа урина.  Хүйсийн харьцаа тийм их хамаатай биш байх. Сайн менежер байх ёстой, миний хурдыг гүйцэж ажиллах ёстой. Сайд нарт суралцах хугацаа байхгүй. Нөгөөдөр Засгийн газрын ээлжит хурал болно. Наана нь танхимаа бүрдүүлж ажилдаа орно.  Өмнө нь сайдаар ажиллаж байсан, УИХ-ын гишүүн байсан, ачаа үүрч чаддаг цог золбоотой хэдэн хүнийг л уримаар байна. Бидэнд сөрөг хүчин биш, олон улсын нөхцөл байдал гэсэн нэг л том асуудал тулгарч байна. Тиймээс асуудалтай нүүр тулж ажиллана гэв.  УИХ дахь АН-ын бүлгийн дарга О.Цогтгэрэл Еранхий сайдыг томилох асуудлаар нэг өдрийн завсарлага авахыг хүссэн боловч УИХ-ын дэд дарга Ж.Бат-Эрдэнэ цаг үеийн байдлаас шалтгаалан Засгийн газраа яаралтай байгуулан ажилдаа орохыг хүсэж буй Ерөнхий сайдад нэр дэвшигчийн хүслийг харгалзан үзэж нэг цагийн завсарлага өглөө.