О.Цогтгэрэл: Н.Учралыг УИХ-ын даргын ажлаа хүлээлгэж өгтөл Ардчилсан нам чуулганы хуралдаанд оролцохгүй

УИХ дахь Ардчилсан намын бүлгээс мэдээлэл хийлээ.

УИХ дахь Ардчилсан намын бүлгийн дарга О.Цогтгэрэл: АН-ын бүлгийн хурал өнөөдөр боллоо. 41 гишүүн 100 хувийн саналаар нэг шийдвэр гаргалаа. Энэ нь аль нэг намын дарга 126 гишүүнтэй олон нам, таван нам оролцсон парламентын даргаар ажиллаж болохгүй. УИХ-ын дарга, МАН-ын даргаар хавсран ажиллаж байгаа Н.Учралыг УИХ-ын даргын ажлаа хүлээлгэж өгтөл Ардчилсан нам чуулганы хуралдаанд оролцохгүй. Гэхдээ энэ нь УИХ-ын үйл ажиллагааг тасалдуулах үйлдэл биш. УИХ өөрөө олон намын төлөөлөлтэй, хоёр УИХ-ын дэд даргатай. Энэ асуудлыг хөндөхөд олон үндэслэл байна. Бодлогын хувьд 2016 оноос хойш тоолбол 10 жил нэг нам дангаараа засаглаж байна. Энэ 10 жил авлигажуулсан, авлигыг систем болгосон, авлигынтогтолцоог угсарсан 10 жил байлаа. Энэ улс төрийн намыг даргалж байгаа намын дарга эрүүл саруул бодлогын мэтгэлцээн өрнөх ёстой УИХ-ыг удирдан зохион байгуулах нь зарчмын хувьд буруу. Цаашид ч үүнийг зарчим болгох ёстой.