2026 оны хоёрдугаар сарын 9-ний шөнө Солонгост визгүй амьдарч байсан монгол залуу гаднаас хүчээр онгойлгож орж ирэх солонгос цагдаагаас айсандаа таван давхраас үсэрсэн хэрэг гарчээ. Залуугийн нурууны яс хугарч, яаралтай эмнэлэгт хүргэгдсэн ч даатгалгүйн улмаас эмнэлэг хоёрдахь өдрөөс нь өдөрт 1-2 сая воны төлбөр нэхэгдэж, эмнэлгээс гарахыг шаардаж эхэлсэн байна. Эцэст нь эмнэлгээс гарахдаа нэг сая воны төлбөр төлсөн ч одоогоор гэртээ гарч орж чадахгүй байгаа аж. Асуудал үүгээр дуусаагүй. Цонхоор үсрэхэд хүргэсэн нөхцөл байдлын талаар гаргасан гомдлыг Солонгосын цагдаа нар маш удаан бүртгэж авахаас эхлээд хүнд суртал эхэлсэн аж. Одоогоор монгол залуугийн эрхийг хуульч Р.Булгамаа хамгаалж байгаа бөгөөд тэрбээр "Мэдээж визгүй амьдарсан нь бидний буруу байж болно. Буруу ч гэж дээ амьдрах гэж яваа нь тэр.. Гэхдээ хэрэг хийгээгүй, мөрөөрөө амьдарч байгаа гадаад хүний хаалга, үүдийг хүчээр онгойлгон дайрч орох эрх ямар ч цагдаагийн ажилтанд байх ёсгүй. Цагдаагийн ийм түрэмгий үйлдэл хүнийг амь насаа алдсан ч яахав гэсэн айдаст хүргэж, эцэст нь таван давхраас үсрэхэд хүргэсэн бол энэ асуудлыг зүгээр өнгөрөөж болохгүй. Хууль гэдэг хүн хамгаалах ёстой юу. Эсвэл айлгах ёстой юу. БНСУ-ын цагдаагийн газраас асуух өдөр ирэх байх.. Би энэ хэрэгт өнөөдрөөс эхлэн ажиллаж байна.
Үйл явцыг олон нийтэд мэдээлж байх болно хэмээн мэдэгдэв.
Сэтгэгдэл (0)
Сэтгэгдэл бичигдээгүй байна