Х.Нямбаатар: Явган, дугуйн замыг огт хөндөхгүйгээр Яармагийн гүүрнээс Зайсангийн гүүр хүртэлх замыг барина

Нийслэлийн 2026 оны төсвийг боловсруулахтай холбоотойгоор нийслэлийн Засаг дарга бөгөөд Улаанбаатар хотын Захирагч Х.Нямбаатар болон холбогдох албаныхан өнгөрсөн 7 хоногт /2025.09.24/ирэх жилүүдэд Хан-Уул дүүрэгт барихаар төлөвлөж буй авто замын трасс дагуу ажилласан юм.

Тодруулбал, Хан-Уул дүүргийн 19, 20 дугаар хорооны нутаг дэвсгэрийг хамарсан Яармагийн гүүрнээс Зайсангийн гүүр хүртэл шинээр барих 3.6 км авто замыг барих ажлыг ирэх онд эхлүүлэхээр төлөвлөсөн аж. Энэ талаар Хотын дарга Х.Нямбаатар "Нийслэлийн хамгийн түгжрэл ихтэй замуудын нэг бол Чингисийн өргөн чөлөө буюу Яармагаас 19-р хороолол хүртэлх зам байдаг. 

Тус замын ачааллыг бууруулахаар Яармагийн гүүр даваад “МСМ Групп” ХХК-иас урагшаа эргээд Яармагийн гүүрнээс Зайсан чиглэл рүү явдаг явган болон дугуйн зам дагуу 3.6 км авто зам барина. 

Тус авто замын трасст найман нэгж талбар өртсөн бөгөөд газар чөлөөлөлтийг ойрын хугацаанд эхлүүлнэ. Мөн бүтээн байгуулалтын ажлыг ирэх онд эхлүүлэхээр төлөвлөж байна. 

Түүнчлэн нэмэлтээр Яармагийн шинэ гүүрнээс уг авто зам руу холбогдох трасст өртсөн нэгж талбарыг чөлөөлж буй. Өөрөөр хэлбэл Яармагийн шинэ гүүрнээс Зайсан гүүр хүртэлх авто замын төлөвлөлтийг хийсэн" гэв.

Хотын дарга Х.Нямбаатар өөрийн цахим хуудсаар дамжуулан “Туул гол дагуух явган, дугуйн замыг огт хөндөхгүй. Яармагийн гүүрний хойд хэсгээс Зайсангийн гүүр хүртэлх Туул гол дагуух явган, дугуйн замыг огт хөндөхгүйгээр хойд хэсгээр нь замын трасс гаргаж 3.6 км авто зам барих ажлыг эхлүүлнэ. Энэ зам Богд уулын арын зам болон Чингисийн өргөн чөлөөний замын ачааллыг бууруулна” гэв.

                  Эх сурвалж: НЗДТГ-ын хэвлэл мэдээллийн алба

Хотын дарга Х.Нямбаатар өөрийн цахим хуудсаар дамжуулан “Туул гол дагуух явган, дугуйн замыг огт хөндөхгүй. Яармагийн гүүрний хойд хэсгээс Зайсангийн гүүр хүртэлх Туул гол дагуух явган, дугуйн замыг огт хөндөхгүйгээр хойд хэсгээр нь замын трасс гаргаж 3.6 км авто зам барих ажлыг эхлүүлнэ. Энэ зам Богд уулын арын зам болон Чингисийн өргөн чөлөөний замын ачааллыг бууруулна” гэв.