Завхан аймгийн Яруу суманд 30 см орчим зузаан цас оржээ

Өнгөрсөн шөнө буюу 2025.09.21-22 шилжих шөнө баруун аймгийн нутгаар бороо, нойтон цас оржээ. Үүнээс Завхан аймгийн Яруу суманд хамгийн их буюу 25-30 см зузаан цас орсон байна.

Өнөөдөр Архангай, Булган аймгийн нутаг, Хөвсгөлийн өмнөд, Өвөрхангайн хойд хэсгээр, маргааш Төв болон Хэнтий аймгийн нутгаар ахиухан хэмжээний бороо, уулаараа нойтон цас орж, зам даваанд халтиргаа гулгаа үүсэхийг УЦУОШГ-аас онцгойлон анхааруулж байна.