Баянгол дүүргийн Иргэдийн Төлөөлөгчдийн Хурал, БНСУ-ын Тэжон хотын Иргэдийн Төлөөлөгчдийн Хурал хоорондын хамтын ажиллагааны хүрээнд боловсрол болон дэд бүтцийн салбарт бодит үр дүнд хүрсэн тохиролцоог баталгаажуулж Иргэдийн Төлөөлөгчдийн Хурлын дарга П.Өлзийнаран Тэжон хотын ИТХ-ын дарга Чо Вон Хи нар санамж бичиг байгууллаа.
Тухайлбал, Баянгол дүүрэгт жил бүр хамгийн багадаа 500 сая төгрөгийн боловсролын хөрөнгө оруулалт хийхээр болсон бөгөөд үүнд сургууль, цэцэрлэгийн барилга байгууламж, техник тоног төхөөрөмжийн шинэчлэл, хүртээмжийг сайжруулах төсөл, хөтөлбөрүүд багтаж байна. Мөн нийтийн аж ахуй, хотын дэд бүтцийн салбарт шаардлагатай техник хэрэгсэл нийлүүлэх чиглэлээр нэмэлт хамтын ажиллагааны тохиролцоонд хүрээд байна. Хамтын ажиллагааны хүрээнд зөвхөн хөрөнгө оруулалт төдийгүй, сурагч, оюутан, багш, мэргэжилтнүүдийн солилцоо, хамтарсан сургалт, семинар зэрэг боловсрол, судалгаа шинжилгээний олон талт үйл ажиллагаа зохион байгуулагдахаар төлөвлөгдөж байна.
Энэхүү үйл ажиллагааг БГДИТХ-ын төлөөлөгч Дэд бүтэц, гэр хорооллын хөгжлийн хурлын хорооны дарга Б.Түмэндэлгэр санаачлан эхлүүлсэн бөгөөд БГДИТХ-ын төлөөлөгч А.Есүхэй гадаад хамтын ажиллагааг тогтоох ажлыг зохион байгуулжээ.
Сэтгэгдэл (0)
Сэтгэгдэл бичигдээгүй байна