ШУТИС-ийн хүндэт профессор, уул уурхайн нэрт эрдэмтэн Карстен Дребенштедт Баянгол дүүргийн Иргэдийн Төлөөлөгчдийн хурлын даргын урилгаар Баянгол дүүргийн Иргэдийн Төлөөлөгчдийн хурлаар зочиллоо.

ХБНГУлсын Фрайберг уул уурхайн сургуулийн захирал асан, доктор профессор, ШУТИС-ийн хүндэт профессор, уул уурхайн нэрт эрдэмтэн Карстен Дребенштедт Баянгол дүүргийн Иргэдийн Төлөөлөгчдийн хурлын даргын урилгаар  Баянгол дүүргийн Иргэдийн Төлөөлөгчдийн хурлаар зочиллоо. 

Тэрээр 1999 оноос хойш Монгол Улстай тогтвортой хамтран ажиллаж, 2011 оноос ШУТИС-ийн Геологи, уул уурхайн сургуулийн уулын ашиглалтын ангийн оюутнуудыг Германы Фрайберг хотод сургах хөтөлбөрийг санаачлан хэрэгжүүлж, олон арван монгол оюутныг амжилттай төгсгөсөн төдийгүй Монголын оюутнуудад сургалтын тэтгэлэг олгох хөтөлбөр санаачлан хэрэгжүүлжээ. Мөн Налайх дүүрэгт байгуулагдсан Герман–Монголын хамтарсан Эрдэс баялаг, технологийн их сургуулийн үүсгэн байгуулагчдын нэг юм.

2023 онд Монгол Улсад оруулсан хувь нэмрийг нь үнэлж, Ерөнхийлөгчийн зарлигаар “Алтан гадас” одонгоор шагнасан бөгөөд өнөөдөр уул уурхайн салбарын бодлого тодорхойлогч яам, агентлаг, холбоодтой өргөн хүрээнд хамтран ажиллаж байна.