Аймгийн Засаг даргын 2024-2028 онд хэрэгжүүлэн ажиллах "Булганы сэргэлт" хөтөлбөрийн хүрээнд "Аймгийн Засаг даргын нэрэмжит тэтгэлэгт хөтөлбөр"-т шалгарсан 12 сурагчид аймгийн Засаг дарга Д.Пүрэв-Очир батламжийг нь гардуулан өгч баяр хүргэлээ.
Элсэлтийн ерөнхий шалгалтын хэмжээст оноогоор тэргүүлсэн 7, урлагийн амжилтаар тэргүүлсэн 2, спортын амжилтаар тэргүүлсэн 2, олимпиадын амжилтаар тэргүүлсэн нийт 12 сурагч 49,000,000 /дөчин есөн сая/ төгрөгийн тэтгэлэг авсан бол Элсэлтийн шалгалтаар 800 оноо авсан нэг сурагчид 2,000,000 /хоёр сая/, бэлтгэсэн 1 багшид 1,000,000 /нэг сая/ төгрөгийн урамшууллыг энэ үеэр гардуулан өгсөн юм.
Батламжаа гардан авсан бүх сурагчдадаа халуун баяр хүргэж, эрдмийн их үйлсэд нь амжилт хүсье.
Энэ сард нэн шаардлагатай мэргэжлээр суралцаж буй орон нутагтаа ажиллах хүсэлтэй төгсөх курсын оюутнууд болон гадаадын тэтгэлэгт хамрагдах оюутнуудын батламжийг мөн гардуулах юм.
Сэтгэгдэл (0)
Сэтгэгдэл бичигдээгүй байна