Т.Аубакир НДШ-ийг 50 хувиар бууруулбал 3.2 их наяд төгрөгийн ачаалал ирнэ

УИХ-ын Нийгмийн бодлогын байнгын хорооны хурлаар Нийтийн ашиг сонирхлыг хөндсөн асуудлаар гаргасан иргэдийн өргөдлийг хэлэлцэж байна. Дээрх асуудал бол цахим өргөдөл системийн хүрээнд НДШ-ийн хувь хэмжээг бууруулах өргөдлийн асуудлыг хэлэлцэж байна.

Энэ үеэр Гар бүл, хөдөлмөр, нийгмийн хамгааллын сайд Т.Аубакир НДШ-ийг 50 хувиар бууруулсан тохиолдолд үүсэх төсвийн ачааллын талаарх мэдээллийг өглөө. 

Т.Аубакир

Иргэний гаргасан хүсэлтийн дагуу НДШ-ийг 50 хувиар бууруулсан тохиолдолд сан болон улсын төсөвт ирэх ачааллыг тооцоолж үзсэн. НДС-ийн орлого хоёр дахин бууруулах буюу иргэний гаргасан саналын дагуу 50 хувиар бууруулах юм бол нийтдээ 3.2 их наяд төгрөгийн ачаалал ирэх юм. Иргэн санал гаргахдаа улсын төсөвт ирэх энэ ачааллыг Эрдэнэс тавантолгойн ногдол ашгаас нөхөж олгох боломжтой гэж хэлсэн байгаа юм. Тооцоолол хийгээд үзэхэд ногдол ашиг 2.4 их наяд төгрөг болсон. Ингээд зөрүү нь 800 тэрбум төгрөг болж байна. НДС 3.2 их наяд төгрөгөөр буурсан тохиолдолд дараах эрсдэл үүснэ гэж үзэж байна. Тэтгэвэр, тэтгэмж, эрүүл мэндийн даатгалын сангаас санхүүжих тусламж үйлчилгээг үзүүлэх боломжгүй болох юм. Одоо авч байгаа тэтгэвэр, тэтгэмжийн хэмжээг хүрсэн түвшнээс бууруулахгүй гэж үзвэл улсын төсвийн санхүүжилт 3.2 их наяд төгрөгөөр нэмэгдэнэ гэж үзэж байгаа. Өөрөөр хэлбэл 50 хувиар бууруулсан тохиолдолд 3.2 их наяд төгрөгийн нэмэлт татаас авна гэж үзэж болно. гэв.