Ерөнхий сайдын хүү О.Тэмүүлэн найз бүсгүйдээ тансаг зэрэглэлийн, өндөр үнэтэй цүнх, машин авч өгсөн, нисдэг тэргээр зугаалсан, амралтын газар түрээсэлсэн гэх мэт асуудал олны бухимдлыг хүргэсэн билээ. Уг асуудал өндрөө авсаар улс төрийн хүрээнд ч томоохон асуудал дагуулж, Л.Оюун-Эрдэнийн Засгийн газар огцрох эсэхдээ тулаад байна.
Иргэдийн зүгээс Ерөнхий сайд Л.Оюун-Эрдэнэ болон түүний хүү О.Тэмүүлэнг орлогоо нотлохыг шаардсаар, Авлигтай тэмцэх газар тэднийг шалгаж эхэлсэн.
Шалгалтын үйл явц ямар шатандаа яваа талаар АТГ-ын Хэвлэл мэдээлэл, олон нийттэй харилцах ажилтан, комиссар Б.Билэгт "2025 оны тавдугаар сарын 13-ны өдөр Ерөнхий сайд Л.Оюун-Эрдэнэ, түүний хүү О.Тэмүүлэн болон бусад этгээдэд холбогдох гомдлыг нэр бүхий иргэдээс гаргасны дагуу шалгаж байна.
Хяналт шалгалтын ажлыг хийж эхэлж, холбогдох этгээдүүдээс тайлбар авах, холбогдох баримтуудыг гаргуулан авах ажиллагаа үргэлжилж байна. Ерөнхий сайд Л.Оюун-Эрдэнийн хөрөнгө, орлогын мэдүүлэгт хяналт, шалгалт хийж эхэлсэн. Авлигын эсрэг хуулийн 13.4-р зүйлд заасны дагуу Засгийн газрын тэргүүн болон гишүүний хувиар Хөрөнгө орлогын мэдүүлэгт хяналт шалгалт хийж эхэлсэн" хэмээн хэллээ.
Сэтгэгдэл (0)
Сэтгэгдэл бичигдээгүй байна