Л.Оюун-Эрдэнийг огцруулахын эсрэг "тэмцэгчид" өлсгөлөн зарлажээ

Монгол Улсын Ерөнхий Сайд Л.Оюун-Эрдэнийг огцрохыг шаардсан "Орлогоо нотол, огцрох амархан" жагсаал нийт арван нэгэн хоног үргэлжлээд байна.

Мөн өчигдрөөс эхлэн Үнэн ба зөв намын дарга А.Отгонбаатар, Хятадуудын эсрэг тэмцдэг хөдөлгөөн гэгчийн төлөөлөл П.Шинжээравдан, ШИНЭ намын хэсэг гишүүд, уул уурхай хэсэн лайв хийж явдаг Г.Солонго, бүхий л төрлийн жагсаал, сүүлийн 10-аад жил янз бүрийн зүйлийн эсрэг жагсаж буй Х.Оюунцэцэг, Өмнөговьд уурхайн хажууд явж байснаа "Яана аа, Хятад хүн явж байна шдээ" гэдэг бичлэгээрээ цахим сүлжээнд алдаршаад буй А.Бүддорж гэх мэт хэсэг иргэд Ерөнхий Сайд Л.Оюун-Эрдэнэ маш сайн ажиллаж буй аугаа улс төрч тул огцруулж болохгүй, хэрэв огцруулахдаа тулвал УИХ-ыг тараах хэрэгтэй гэсэн жагсаал зохион байгуулж эхэлсэн юм.

Тэгвэл өчигдөр 12:45 цагт тэдэнтэй жагсаж байсан гурван иргэн Ерөнхий сайдыг огцруулахын эсрэг өлсгөлөн зарлаж эхэлсэн байна. Өнөөдөр Л.Оюун-Эрдэнийг огцруулахыг эсэргүүцсэн жагсаал үргэлжлэх бөгөөд өлсгөлөн зарлагчдын тоо ч нэмэгдэж магадгүй аж.

Эх сурвалж: Sonin.mn