Жагсаалд оролцож байгаа эдийн засагч Ц.Лут-Очир Ерөнхий сайд Л.Оюун-Эрдэнийг худуудтай нь хамт шалгуулахаар АТГ-д өгсөн байдаг. Улмаар түүнийг үл таних гурван этгээд зодож эрх чөлөөнд нь халдсан байна. Өнгөрсөн шөнө буюу тавдугаар сарын 24-25-нд шилжих шөнө түүний биед халдсан талаар тэрбээр твиттертээ жиргэжээ.
Энэ тухай "Орцныхоо үүдэнд гурван залууд зодууллаа. 102-д цагдаад дуудлага өгчихөөд хүлээж байна. 20 минут боллоо. Эд нар үнэхээр яахаас ч буцахгүй улайрчээ. Ийм заваан юмыг нураах гэж яваа" гэжээ. Мөн тэрбээр, "Дуудлагын цагдаа а/д Б ирээд ажлын цагаар Баянгол дүүргийн 1-р хэлтэст очиж байцаагчид мэдүүлэг өгч гомдлоо гарга гэж зөвлөв. Тэгснээ хацар хэгзэрч цус гарсанг цагдаа харсан, би гомдлоо гаргана гэсээр байхад дуудлага гэмт хэрэг зөрчлийн шинжгүй байна гээд хэрэг хаалаа гэх юм" гэжээ.
Сэтгэгдэл (0)
Сэтгэгдэл бичигдээгүй байна