АН-ын зарим гишүүн хамтарсан Засгийн газрын эсрэг гарын үсэг зурсан нь гэрээ зөрчсөн гэж үзэж, засгаас гаргахаар болж байна. Та ямар байр суурьтай байна вэ?
-Гарын үсэг гурван хүн зурсан. МАН маш хариуцлагагүй шийдвэр гаргалаа, улс орноо бодсонгүй гэж харж байна. Хоёрдугаарт, гүтгэлгээ зогсоох хэрэгтэй, жаахан ч гэсэн үнэнийг ярь л даа. Лодойсамбуу, Баярмаа нар элдэв юм яриад байна гэдэг шалтгаанаар засаг огцорно гэж юу байдаг юм бэ. Үгээ хэлдэггүй их хурлын гишүүн гэж юу байх юм.
МАН-д цаашид шударга шүүмжлэл хэлэх УИХ-ын гишүүд төрнө шүү дээ, тэр болгонд засгаа огцруулаад байх уу. Тийм юм байхгүй. УИХ-ын гишүүнийг амыг барих заалт гэрээнд байхгүй. Бид хийх ажлаа хэрхэн гүйцэтгэх, аль намын ямар бодлогыг хэрэгжүүлэх тухай л гэрээ хийсэн. Хөгжлийн төлөө зориг гаргая гэж нэгдсэн. Тиймээс "АН гэрээгээ зөрчлөө гэдэг гүтгэлгээ зогсоо" гэж МАН-аас шаардаж байна.
Яагаад засгийг огцруулах болсон жинхэнэ үнэнийхээ талыг ч гэсэн хэл. МАН-ын олонх нь хэдхэн сарын өмнөх үзэл санаанаасаа ухарч, хуучин төрхөө харуулж байна. Ямар ч итгэлгүй болж байна. Гэхдээ би намынхнаас Монгол Улсын эрх ашгийг улдан эсэргүүцсэн зүйл хийхгүй байхыг намынхнаасаа хүснэ.
Манай улс төр ард түмнээ дандаа хорлож байдаг. Улстөржиж гарсан шийдвэр дандаа буруу байдаг. Бид 35 жил хэрэлдлээ. Улс маань ямар байна, үүндээ дүгнэлт хийгээд хамтарсан Засгийн газар байгуулсан. Байгуулсан хүмүүсийнх нь нэг би. Тэгвэл өрөг маань нурлаа. Би намын даргын ажлыг өгье гэсэн асуудлыг сая Улс төрийн зөвлөлдөө танилцууллаа.
-Улс төрийн үйл явц цаашаа хэрхэн өрнөх вэ?
-Хэрхэн цаашаа явах вэ гэдэг талаар МАН-ын дарга Ерөнхий сайд Л.Оюун-Эрдэнэ, ХҮН намын дарга Т.Доржханд нартай уулзалт хийнэ. Гэрээг цуцалсан тохиолдолд хамтын хариуцлага хүлээнэ гэсэн үг үсэг бий. Тэр тухай л ярина.
Үнэнээ хэлэхийг хүснэ. Тэр нь МАН-ын дотоод хагарал, албан тушаалд шунасан хүмүүсийн санаархал. Дээр нь шалгуулахгүй гэсэн санаа юм.
Сэтгэгдэл (0)
Сэтгэгдэл бичигдээгүй байна