П.Сайнзориг: Улс төрийн хүчнүүдтэйгээ хамтарч цаг хугацаа хэмнэмээр байна

УИХ-ын гишүүн П.Сайнзоригоос цаг үеийн асуудалтай холбоотойгоор тодрууллаа.

Тэрбээр "Нөхцөл байдал амаргүй байна. Бид уул уурхайгаас хэт хамааралтай эдийн засагтай. Нүүрсний үнэ ч унаж байна. Улс орныхоо нийтлэг эрх ашгийн төлөө хурдтайгаар шийдвэр гаргахгүй бол мега төслүүд хэрэгжихгүй болчих вий. Асуудлыг гоё яриад, шийдвэр гаргахгүй, зөв буруугаа дүгнэж чадахгүй болчихвол яах вэ? 

Илүү олон төслийг хөдөлгөж, эрчим хүчний реформ хийж, хараат бус байдлаас гарах хэрэгтэй. Үүнийг хийхэд хэн байх, хэн дотор нь ажиллах нь сонин биш. МАН олонх болсон ч улс төрийн хүчнүүдтэй хамтрахаар өөр аргагүй. Ингэж цаг хугацаа хэмнэмээр байна" гэв.