Дональд Трампын засаг захиргаа АНУ-аас сайн дураараа гарч, эх орон руугаа буцах цагаачдад 1000 ам.доллар амлажээ. Үүнээс гадна замын зардлыг нь мөн даана гэв.
Трамп ажлаа авснаас хойш АНУ-д хууль бусаар оршин суудаг цагаачдын асуудалтай тэмцэж эхэлсэн. Энэ хүрээнд тэднийг албадан гаргаж, цагаачлалын хяналтыг чангатгах зэрэг арга хэмжээнүүд авч байгаа юм.
Гэхдээ энэ нь зардал өндөртэй буюу хууль бус цагаачдыг баривчлах, хорих, эх орон руу нь буцаахад ойролцоогоор 17 мянган ам.доллар болдог гэв.
Иймд тэдний замын зардлыг дааж, нэг удаад урамшууллын мөнгө олгох нь зардал хэмнэсэн алхам болоод байгаа аж.
Түүнчлэн АНУ-аас сайн дураараа гарч, эх орондоо буцах нь ирээдүйд тэднийг хууль дүрмийн дагуу АНУ-д нэвтрэх эрхтэй болгоно гэдгийг Трампын засаг захиргаа онцолжээ.
Энэ талаар Трамп "Сайн дураараа явах цагаачид "үнэхээр сайн хүн" бас "АНУ-д хайртай" бол ирээдүйд хууль ёсны дагуу АНУ-д нэвтрэх боломжтой болно гэсэн байна.
Одоогоор Чикаго хотод оршин суудаг байсан Гондурасын нэг иргэний буцах зардлыг даасан бөгөөд ирэх долоо хоногт мөн хүмүүсийг буцаахаар онгоцны билет захиалаад байгаа гэв.
Эх сурвалж: АР
Сэтгэгдэл (0)
Сэтгэгдэл бичигдээгүй байна