Ерөнхий сайдын дэргэдэх Эдийн засгийн хөгжлийн зөвлөлийн 5 дугаар хуралдаан болж байна. Худалдан авах ажиллагааны тухай хуулийн төсөл, Хөгжлийн банкны хууль болон татварын хуульд оруулах хувийн хэвшлийн нэгдсэн саналыг сонсож, хэлэлцэж байна.
Татварын хуулийн шинэчлэлийг эхлүүлэх ажил орон даяар өрнөж, намрын чуулган завсарласан өдрөөс өнөөг хүртэл бүх түвшний хэлэлцүүлэг өрнүүлсэн. Хуулийн шинэчлэлд хувийн хэвшил, МҮХАҮТ, Монголын бизнесийн зөвлөл, татварын мэргэшсэн зөвлөх, мэргэжлийн холбоодоос ирүүлсэн саналыг нэгтгэн танилцууллаа.
Худалдан авах ажиллагааны одоогийн хууль нь бага үнийн дүнгээр өрсөлдөж, чанаргүй худалдан авалтыг дэмжсэн буруу жишиг тогтсон тул цаашид чанарт суурилсан шалгуурыг урьтал болгох өөрчлөлтийг хийнэ.
10 тэрбум төгрөг хүртэлх төсөвт өртөгтэй тендер шалгаруулалтад оролцоход тендерийн баталгаа шаардахгүй болно. Ингэснээр нийт тендер шалгаруулалтын 99.6 хувьд баталгаа гаргалгүй оролцох боломжтой болж буйг хуулийн төсөл боловсруулагчид танилцууллаа.
Хөгжлийн банкийг экспорт, импортын банк болгох эрх зүйн орчин бүрдүүлэхээр ажиллаж байна. Удахгүй УИХ-д хуулийн төслийг өргөн барина.
Сэтгэгдэл (0)
Сэтгэгдэл бичигдээгүй байна