Булган аймгийн Засаг даргын "Булганы сэргэлт" хөтөлбөр, “Эрүүл Булган” дэд хөтөлбөрийн "Эрүүл шүд" аяны хүрээнд
"24/3 ЗӨВ УГАА", "Мишээл" хүүхдийн сантай хамтран, Булган аймгийн Гурванбулаг, Тэшиг сумдуудад 02-18 насны хүүхүүдэд амны хөндийн үзлэг, оношилгоо, эмчилгээ, сургалт нөлөөллийн ажлыг зохион байгуулж байна.
Аймгийн Засаг даргын орлогч О.Ундрах “Мишээл" хүүхдийн сангийн эмч нараас бүрдсэн багийг хүлээн авч уулзаж, Булган аймаг, иргэдийнхээ эрүүл мэндийн талаар баримталж буй бодлого, явуулж буй хөтөлбөрүүдээ танилцуулж "Мишээл" хүүхдийн сангийн хамт олонд талархал илэрхийлж, ажлын амжилт хүслээ.
“Мишээл" хүүхдийн сан Гурванбулаг суманд 7 хоногийн хугацаанд 647 хүүхдийг амны хөндийн үзлэгт хамруулж, өвчлөлтэй шүдийг эмчилсэн байна.
Шүдний эмч нарын баг Тэшиг суманд ажиллана.
Сэтгэгдэл (0)
Сэтгэгдэл бичигдээгүй байна