Монгол Улсын арслан Маамын Лхагвын нэрэмжит улс, аймаг, сумын цолтой хүчит 256 бөхийн барилдаанд Хэнтий аймгийн Өмнөдэлгэр сумын харьяат, аймгийн хурц арслан Даваасүрэнгийн Алтанцоож түрүүлж, Ховд аймгийн Буянт сумын харьяат, улсын аварга Оргихын Хангай үзүүрлэв.
Дөрөвт Увс аймгийн Ховд сумын харьяат, улсын дархан аварга Н.Батсуурь, Ховд аймгийн Зэрэг сумын харьяат, улсын заан Б.Бат-Өлзий нар шалгарлаа.
Наймд улсын арслан Б.Орхонбаяр, улсын заан М.Лхагвагэрэл, улсын харцага Э.Даш, улсын начин Х.Цогтгэрэл нар үлдэв.
Тус барилдааны түрүү бөх 12 сая, үзүүр бөх 7 сая, дөрөвт үлдсэн бөхчүүд тус бүр 3 сая төгрөгийн бай шагнал, супер азтан автомашин гардсан юм.
Дараагийн барилдаан дөрөвдүгээр сарын 26-ны 13:00 цагаас Нийслэлийн Монгол Ардын намын 100 жилийн ойд зориулсан “Монгол Улсын аварга цолны хүндэтгэл”-ийн Улс, аймаг, цэргийн цолтой хүчит 128 бөхийн барилдаанаар үргэлжилнэ.
Эх сурвалж: Монголын Үндэсний Бөхийн Холбоо
Сэтгэгдэл (0)
Сэтгэгдэл бичигдээгүй байна