Бүгд Найрамдах Серби улсад 2025 оны 3 дугаар сарын 28-ны өдөр зохион байгуулсан Сурагчдын шатрын дэлхийн аварга шалгаруулах тэмцээнд Зуунмод сумын иргэн Шагдарсүрэнгийн Уранзаяа дэлхийн дэд аварга болжээ.
Монгол Улсаас 9 насны охидын ангилалд оролцсон Ш.Уранзаяа тус тэмцээний үеэр олон усын шатрын дэд мастер цолны болзол хангасан байна.
Ш.Уранзаяа нь өдгөө 7 настай бөгөөд 4 наснаасаа шатрын спортоор хичээллэж эхэлсэн. Өдөр бүр 2-4 цагийг бэлтгэлдээ зарцуулдаг. Түүнийг аав нь өдөр бүр Төв аймгаас Улаанбаатар хотод байдаг "Стейниц" шатрын академид нь хүргэж өгдөг байна.
Зургаан насны ангиллаар зохион байгуулсан энэ тэмцээнд 44 орны 470 гаруй шатарчин оюун ухаан, ур чадвараа сорин өрсөлдсөн юм.
Сэтгэгдэл (0)
Сэтгэгдэл бичигдээгүй байна