Энэ сарын 15-нд Сансарын Петровис шатахуун түгээх станцын хажууд хүн дээрэмдүүлсэн гэсэн дуудлага Цагдаагийн байгууллагад иржээ.
Энэ дагуу шалгалтын ажиллагаа явуулахад 19 настай эрэгтэй Б согтууруулах ундаа хэрэглэсэн үедээ 22 настай эмэгтэй Х-ийн биед халдаж, Самсунг А-23 маркийн гар утсыг нь дээрэмдэж, зугтаасан байна.
Энэ хэргийг Баянзүрх дүүргийн цагдаагийн газрын алба хаагчид шуурхай эрэн сурвалжлах ажиллагаа явуулж, илрүүлжээ.
Иймд иргэн та оройн цагаар сонор сэрэмжтэй байж, гэрэлтүүлэг, хяналтын камертай газраар явах, согтууруулах ундаа хэтрүүлэн хэрэглэхээс татгалзах зэргээр болзошгүй эрсдэлээс урьдчилсан сэргийлэхийг цагдаагийн байгууллагаас сэрэмжлүүлж байна.
Сэтгэгдэл (0)
Сэтгэгдэл бичигдээгүй байна