ЕСБХБ-тай аж үйлдвэрүүдийн төслүүдэд хамтарч ажиллахаар тогтов

Европын сэргээн босголт хөгжлийн банк (ЕСБХБ)-ны Монгол Улс дахь суурин төлөөлөгч Ханнес Такачийг “Эрдэнэс Монгол” нэгдлийн гүйцэтгэх захирал С.Наранцогт хүлээн авч уулзсан ба энэ үеэрээ нэгдлийн дунд хугацааны стратеги төлөвлөгөөнд туссан үйлдвэрлэл, технологийн паркийн төслүүд болон компанийн нийгмийн хариуцлагын хүрээнд хэрэгжүүлэх “Нэгдүгээр тойрог зам”-ын төслийн талаар танилцуулж, хөрөнгө оруулалт татах, хамтран ажиллах боломжийн талаар санал солилцлоо.

ЕСБХБ-ны суурин төлөөлөгч Ханнес Такачи “Эрдэнэс Монгол” нэгдлийн удирдлагатай дахин уулзсандаа баяртай байгаагаа илэрхийлж, аж үйлдвэр, геологи хайгуулын төслүүдийн талаар дэлгэрэнгүй мэдээлэл авсан бөгөөд цаашид уул уурхайн бүтээгдэхүүний боловсруулалтын үе шатыг нэмэгдүүлэх, чухал ашигт малтмал, алтны чиглэлийн геологи хайгуулын төслүүд, мөн санхүүгийн загварчлал боловсруулах, хамтарсан судалгаа хийхэд чиглэн хамтран ажиллах боломжтойгоо илэрхийлээд, дараагийн уулзалтыг төсөл бүрээр харилцан нарийвчилсан мэдээлэл солилцох байдлаар зохион байгуулахаар төлөвлөж буйгаа хэллээ.