17-р жарны “Модон могой” жилийн босгон дээр Төв аймгийн Баянхангай сумын Хөшөөт хоёрдугаар багийн малчин Д.Батцэнгэл аймгийн аварга малчинаар тодорч, Төв аймгийн удирдлагууд өвөлжөөнд нь очиж шагналыг нь гардууллаа.
Төв аймаг энэ жил 37 аварга малчин, хөдөлмөрийн аваргуудыг тодруулж, Баянхангай сум хоёр аймгийн аварга малчинтай болж байна. 8 дугаар ангиа төгсөөд, Баянхангай сумын сүүний фермд тугалчнаар ажилд орж, мал аж ахуйн салбартай холбогдсон малын эмч Дэмбэрэлдашийн отгон хүү Батцэнгэл 35 жил тасралтгүй мал маллаж, Баянхангай сумандаа нутаглаж байна. Түүний хөдөө аж ахуйн салбарт оруулсан хувь нэмрийг үнэлж алтан унаганы эзэн, сумын аварга малчнаар тодруулж байсан бол могой жилийн босгон дээр Аймгийн алдарт малчинаар нэрлэж байна.
Д.Батцэнгэлийнх өдгөө 4 хошуу мал өсгөж үржүүлэхээс гадна багийнхаа малчидтай нийлж хоршоо байгуулан, худаг гаргаж, 50 га газарт ногоон тэжээл тариалж өөрсдийнхөө хэрэгцээг бүрэн хангаж байна.
Сэтгэгдэл (0)
Сэтгэгдэл бичигдээгүй байна