Гашуунсухайт Ганц мод боомтын төмөр замын асуудлаар Монгол Улс, БНХАУ-ын засгийн газрын ажлын хэсгүүдийн шийдвэрлэсэн асуудлыг протокол байдлаар гарын үсэг зурж батална. Үүний дараа хэлэлцээр УИХ-д соёрхон батлагдсанаар компаниудын гэрээг байгуулна.
Зарим гишүүд сайжруулах санал хэлсний дагуу сэргээгдэх эрчим хүчний салбар дахь хамтын ажиллагаа гэх засварыг оруулсан. Мөн гурвыг цогцоор буюу нүүрс худалдах, худалдан авах гэрээ, уурхайн хүчин чадлыг нэмэгдүүлэх, төмөр замын бүтээн байгуулалт гэсэн гэрээнд гарын үсэг зурмагц нэг дор хэрэгжинэ. Уурхайн хүчин чадлыг нэмэгдүүлэхэд БНХАУ-д таатай нөхцөл олгох гэснийг залруулж харилцан ашигтай, хуулийн дагуу явах өөрчлөлтийг орууллаа.
Зам тээврийн сайд Ж.Дэлгэрсайхан: Яамд өөрсдөд хамаарах гэрээнүүдийг хийнэ. Хил дамнасан бүтээн байгуулалт нь нэг байгууламж учир нэг компани хийх нь зүй ч Монгол Улсын хуулийн дагуу тендер зарлаж, үнэ өртгийг хямдруулж, нөгөө талтай харилцан тохиролцох замаар ажил үргэлжилж байна.
Өнөөдрийн хурлаар шийдсэн өөр нэг асуудал бол Багахангайн өртөөнөөс Хөшигтийн хөндий хүртэл салаа зам тавихаар болсон. Ингэснээр Улаанбаатарт орж ирдэг чингэлэг тээвэр болон төмөр замын ачаа барааны зууч, терминалуудыг гаргаж Хөшигтийн хөндийд төвлөрүүлэх юм.
Сэтгэгдэл (0)
Сэтгэгдэл бичигдээгүй байна