УИХ-ын гишүүн О.Батнайрамдал: Лодой над руу залгах хэрэггүй

Би Л.Оюун-Эрдэнийн тэргүүлсэн хамтарсан Засгийн газар болон түүний хэрэгжүүлж буй зоримог бодлого, шударга ёсны төлөөх тэмцлийг тууштай дэмжинэ!

• Олон арван жил яригдсан хулгай, луйврыг илчилж, таслан зогсоосон Л.Оюун-Эрдэнийн Засгийн газар олон жилийн турш үлгэр мэт яригддаг байсан авлига, хулгай, луйврыг олон нийтэд дэлгэж, шударга ёсыг тогтоохоор тууштай ажиллалаа.
• Оюутолгойн луйврын гэрээ буюу Дубайн гэрээг цуцалж, Монгол Улсын төлөх байсан 2.3 тэрбум ам.долларын өрийг тэглүүлсэн.
• Эрдэнэтийн 49%-ийг төрд эргүүлэн авч, өнөөдөр энэ үйлдвэр жил бүр 2 их наяд төгрөгийн ашиг, татвар төвлөрүүлж байна.
• Нүүрсний хулгайг илчилж, далд эдийн засгийг ил болгосон. Үүний үр дүнд 82 сая тонн нүүрс экспортолж, 8-9 тэрбум ам.долларын орлого олж, 1072 хувьцааны өгөөж бодитоор хүртэх боломж бүрдлээ.
• Энэ бүхэн Л.Оюун-Эрдэнийн тууштай тэмцлийн үр дүн!
• 15 жил гацаагдсан Гашуунсухайтын төмөр замыг ашиглалтад оруулж байна
• Монголын эдийн засгийн хөгжлийг хойш татсан томоохон төслүүдийн нэг бол Гашуунсухайтын төмөр зам.
• 15 жил гацаагдсан энэхүү төслийг Л.Оюун-Эрдэнийн Засгийн газар эцэслэж, Засгийн газар хоорондын хэлэлцээрийн хүрээнд албан ёсоор байгуулах ажил дараагийн долоо хоногт Ерөнхий сайдын түвшинд эцэслэн үзэглэгдэх гэж байна.
• Яг ингэж ажил урагшлах мөчид засаг унагаах яриа өрнүүлдэг, улстөрждөг хуучин тогтолцоо дахин сэргэхийг оролдож байна. Одоо тийм зүйл гарахгүй!
• Байгалийн баялгийн өгөөжийг ард түмэнд хүртээх Үндэсний баялгийн санг байгуулсан
• Монголын баялгийн үр өгөөжийг олигархиуд бус, бүх нийт хүртэх ёстой!
• “Чингис хаан” Үндэсний баялгийн санг байгуулж, иргэн бүрийн нэр дээр хуримтлал үүсгэж эхэлсэн.
• Өнөөдөр бид улс төрийн хуваагдал бус, эх орон, иргэдийнхээ ирээдүйн төлөө нэгдэж, хамтдаа урагшлах цаг!
• Шийдэх асуудал маш их байна. Тиймээс Л.Оюун-Эрдэнийн тэргүүлсэн хамтарсан Засгийн газрыг тууштай дэмжинэ гэжээ