УИХ-ын гишүүн Ч.Лодойсамбуу Ерөнхий сайдыг огцруулах албан бичгийг боловсруулжээ. Албан бичигт Үндсэн хуулийн 43-р зүйл заалтыг баримталсан байна. Үндсэн хуулийн 43.1.1 дэх хэсэгт Улсын Их Хурлын гишүүдийн дөрөвний нэгээс доошгүй нь Ерөнхий сайдыг огцруулах саналыг албан ёсоор тавибал УИХ гурав хоногийн дараа хэлэлцэж эхлэн арав хоногийн дотор шийдвэрлэнэ гэж заасан байдаг
УИХ-ын нийт гишүүний олонхи уг саналыг дэмжсэн бол Ерөнхий сайдыг огцруулах тухай УИХ-ын тогтоол баталсанд тооцож, шинэ Ерөнхий сайдыг 30 хоногийн дотор томилно. 43.1.2 дахь хэсэгт Ерөнхий сайд огцорвол Засгийн газар бүрэлдэхүүнээрээ огцорно гэж заасан байдаг. Өөрөөр хэлбэл УИХ-ын 32 гишүүн дэмжиж, гарын үсэг зурвал УИХ Үндсэн хуулийн дагуу Ерөнхий сайдыг огцруулах асуудлыг 72 цагийн дотор хэлэлцэн шийдвэрлэх юм
Сэтгэгдэл (0)
Сэтгэгдэл бичигдээгүй байна