Т.Мөнхсайхан "Санамсаргүй алдааны төлөө хорих ялаар шийтгүүлдэг байдлаас салах ёстой"

Эрүүл мэндийн сайд Т.Мөнхсайхан өнөөдөр мэдээлэл өглөө.

Тэрбээр "Электрон тамхины хэрэглээ манай улсад маш өндөр байна. Ялангуяа хүүхэд, залуус, эмэгтэйчүүд их хэрэглэж байгаа нь судалгаагаар гарч байна.

Электрон тамхины хэрэглээ манай улсад маш өндөр байна. Эмэгтэйчүүдийн тамхины хэрэглээ 4 дахин өссөн.

Нийт нас баралтын шалтгааны 17 хувь нь, хорт хавдрын шалтгааны 30 хувь нь тамхинаас болж байна.

Янжуур тамхи, электрон тамхины хэрэглээ манай улсад аль аль нь өндөр байна. Тиймээс татвар ногдуулах шаардлагатай байна.

Эрүүл мэндийн ажилтан санамсаргүй алдаа гаргасан тохиолдолд эрүүгийн хариуцлага хүлээдэг улс маш цөөхөн. Тэрний нэг нь манай улс болоод байна. Үнэхээр хүний эрүүл мэндэд санаатайгаар хохирол учруулсан бол тэр нь бусад хуулийнхаа зохицуулалтаар явагдах ёстой. Санамсаргүй гаргасан алдааны төлөө хорих ялаар шийтгүүлдэг нөхцөл байдлаас салах ёстой. Тэрний тулд Эмнэлгийн мэргэжилтний эрх зүйн байдлын тухай хуулийг өргөн барихаар ажиллаж байгаа.

2023, 2024 онд нийт 20 эмч ял авч, шийтгүүлсэн" байна