Нийслэлийн 2024 оны төсвийн орлого тасарсан тул тодотгол хийж байна

Нийслэлийн ИТХ-ын өнөөдрийн хуралдаанаар өнгөрч буй 2024 оны төсөвт өөрчлөлт оруулах асуудлыг, мөн 2025 оны төсөв батлах асуудлыг хэлэлцэж байна.

Улаанбаатар хотын Засаг дарга Х.Нямбаатараас өргөн мэдүүлсэн төслөөр нийслэлийн 2024 оны төсвийн орлого тасарчээ. Энэ оны арваннэгдүгээр сарын төсвийн орлогын гүйцэтгэлийн мэдээгээр нийслэлийн төсөвт 2.8 их наяд төгрөг төвлөрч, орлогын төлөвлөгөө 214.4 тэрбум төгрөгөөр буюу 7.6 хувиар тасарчээ.

Тиймээс нийслэлийн  төсвийн орлогын төлөвлөгөө 38.8 тэрбум төгрөг буюу 4.1 хувиар, дүүргүүдийн төсвийн орлогын төлөвлөгөө 175.6 тэрбум төгрөг буюу 9.4 хувиар тус тус тасарсан дүнтэй байна.

2024 оны төсвийн тодотголын төсөлд хотын төсөвт Бөөрөлжүүтийн цахилгаан станц төслөөс 20.9 тэрбум төгрөгийн хүүгийн орлого нэмж төвлөрүүлэхээр тооцсоноор төсвийн нийт орлогыг 1.163.9 их наяд төгрөг, нийслэлийн төсвийн нийт орлогыг 3.228.4 их наяд төгрөг байхаар нийслэлийн төсвийн нийт эх үүсвэр 4.42.1 их наяд төгрөг байхаар тооцоолж төсвийн тодотголын төсөвт тусгажээ.