Сагсанбөмбөг Монголын өсвөрийн шигшээ баг Азийн аваргын хэсгийн шатны сүүлийн тоглолтдоо Ливанд хожигдож тэмцээнээ дуусгалаа.

Сагсанбөмбөг Монголын өсвөрийн шигшээ баг Азийн аваргын хэсгийн шатны сүүлийн тоглолтдоо Ливанд хожигдож тэмцээнээ дуусгалаа.

Сагсан бөмбөгийн өсвөрийн буюу 18 хүртэлх насны Азийн аварга шалгаруулах тэмцээн Йордан улсад үргэлжилж байна.

Тэмцээний "А" хэсэгт багтсан Монголын шигшээ баг хэсгийн шатны сүүлийн буюу гурав дахь тоглолтоо Ливаны эсрэг хийж 66-45 харьцаагаар хожигдлоо.

Монголын багаас Г.Түвшинжаргал 15 оноо, Г.Балжинням 13 самбар, Э.Тэмүүжин 5 оновчтой дамжуулалтаар багаар тэргүүлэв.

• ФОТО: Өсвөрийн шигшээ баг Тайваньд 46-92 харьцаагаар хожигдов
• ЕСДҮГЭЭР САРЫН СПОРТ: Паралимп, TI13
• Олон улсын өсвөрийн спортын наадмын сагсан бөмбөгийн төрөлд манай баг хүрэл медаль хүртлээ

Азийн шилдэг 16 орны баг тамирчид дөрвөн хэсэгт хуваагдан тоглож байгаа бөгөөд Монголын шигшээ баг Тайваниас гадна Австрали, Ливаны шигшээ багуудтай нэг хэсэгт багтсан.

Шигшээ баг хэсгийн эхний тоглолтоо энэ сарын 2-д Австралийн шигшээ багтай хийж 93-32 харьцаагаар хожигдсон бол хоёр тоглолтоо өчигдөр Тайваньтай хийж 46-92 харьцаагаар ялагдсан юм.

Ийнхүү А хэсгийг Австралийн шигшээ баг гурван хожилтой тэргүүлсэн бол Ливаны шигшээ баг хоёр хожилтой хэсгийн хоёрдугаар байраар playoffs-т шалгарав.