Д.Сэлэнгээ Украины тамирчныг ялж шөвгийн наймд шалгарлаа

Paris2024 Д.Сэлэнгээ пара байт харвааны эмэгтэй Recurve төрлийн ганцаарчилсан харваанд Украины тамирчныг ялж шөвгийн наймд шалгарлаа.

Парис 2024 паралимпын пара байт харвааны эмэгтэй Recurve төрлийн ганцаарчилсан харваанд Монголын шигшээ багийн тамирчин Дэмбэрэлийн Сэлэнгээ оролцлоо.

Тэрээр шигшээ 16 шатанд Европын аваргын мөнгө, хүрэл медальт Украины 23 настай Анна Викториа Шевченкотой цэц сорьж 6-2 харьцаагаар хожлоо.

Чансаа тогтоох харваанд 3-р байр эзэлсэн Д.Сэлэнгээ ийнхүү шөвгийн наймд шалгарлаа. Тэрээр шөвгийн наймд 2023 оны дэлхийн аваргын 5-р байр Словенийн 35 настай Зива Лавринчтай учраа таарчээ.