Надад тусалж дэмждэг бүх хүмүүстээ баярлалаа

Улсын начин цол хүртсэн Б.Баянмөнхөөс тодрууллаа.

-Начин цол хүртсэнд баяр хүргэе. Энэ агшинд юу бодогдож байх юм?

-Начин цол хүртсэндээ баяртай байна. Нийт монголынхоо ард түмэнд болон надад тусалж дэмждэг бүх хүмүүстээ баярлалаа. Ховд аймгийн Мөнххайрхан суманд байгаа аав ээж, ах дүү нартаа мэнд дамжуулъя. Та бүхэндээ маш их баярлаж явна аа. Ийм сайхан цол хүртсэндээ маш их баяртай байна. 

-Өнгөрсөн жилийн наадмаар ямар зорилго өөртөө тавьж барилдсан бэ?

-Би улсын цол хүртэнэ. Болж өгвөл тэрнээс дээшээ ч барилдана гэж зорьсон. Төрийн наадамдаа бөхчүүд бүгд л тийм зорилготой барилддаг байх. Төрийн наадмын цол хэргэм авъя, цолтой нь цолоо ахиулъя цолгүй нь цолонд хүрье гэж л барилддаг байх. 

-Шударга бус зүйл хэрэглэж олон бөхийн боломжийг алдагдуулах асуудал жил бүр гарч байна. таны хувьд үүн дээр ямар байр суурьтай байдаг вэ?

-Одоо ерөнхийдөө бүх зүйл шударга сайхан болж байна. Үүн дээр би олон зүйл яриад яах вэ. Шадар сайдтай санал нэг байна. Бидний ярих зүйлийг Шадар сайд нэгбүрчлэн сайхан ярих шиг боллоо. 

-Бөх хүний хувьд допинг хэрэглэх тал дээр ямар байр суурьтай байдаг вэ?

-Мэдээж түүнийг хэрэглэхийн эсрэг хатуу байр суурьтай байдаг. 10 гаруй настайгаасаа эхлээд л монгол бөхөөр тууштай барилдсан байна. 37-ны жил орох гэж байна. 20 гаруй жил барилджээ. Тууштай барилдаад Монгол Улсын начин гэх эрхэм цолыг хүртсэндээ маш их баяртай байна. 

                           Эх сурвалж: Zugii.mn